accesskey_mod_content

Premio de Nacións Unidas ao Servizo Público (UNPSA) 2018

"Noticia dispoñible unicamente con fins históricos e de hemeroteca. A información e ligazóns mostradas correspóndense cos que estaban operativos á data da súa publicación. Non se garante que continúen activos actualmente".

22 decembro 2017

Logotipo UNPAN

Ata o próximo 7 de febreiro está aberto o prazo de presentación de nomeamentos ao Premio de Servizo Público das Nacións Unidas, o máis prestixioso recoñecemento internacional á excelencia no servizo público

A ONU(Abre en nova xanela) abriu o prazo de inscrición para optar aos Premios de Servizo Público das Nacións Unidas de 2018 (UNPSA). A UNPSA(Abre en nova xanela) promove e recompensa a innovación e a excelencia nos servizos públicos en apoio da realización dos Obxectivos de Desenvolvemento Sustentable (ou Sustainable Development Goals - SDGs) e o principio de ‘non deixar a ninguén atrás’, que forman o núcleo da Axenda 2030 para o Desenvolvemento Sustentable.

En 2018, os Premios están organizados en tres categorías:

  1. Chegar ás persoas con menos recursos económicos e vulnerables a través de servizos inclusivos e de asociacións
  2. Promoción de institucións máis inclusivas e asegurar a participación de colectivos desfavorecidos na toma de decisións
  3. Promover a igualdade de xénero nos servizos públicos para alcanzar os ODS.

Do mesmo xeito que en edicións anteriores ( 2015(Abre en nova xanela) , 2016(Abre en nova xanela) , 2017(Abre en nova xanela) ), o Departamento de Asuntos Económicos e Sociais das Nacións Unidas está a colaborar especialmente coa ONU-MULLERES(Abre en nova xanela) (UN-WOMEN) na organización dos Premios, destacando o importante papel dos servizos públicos concienciados cos problemas de igualdade no logro dos ODS.

Os premios entregaranse o 23 de xuño de 2018 durante o Foro de Servizo Público das Nacións Unidas que se celebrará en Marrakech, Marrocos. Elixiuse esta data porque o 23 de xuño é o Día do Servizo Público das Nacións Unidas, cuxo obxectivo é "celebrar o valor e a virtude do servizo público á comunidade".

O Premio está aberto a todas as institucións do sector público a nivel nacional, estatal e local de todos os estados membros da ONU que presenten as súas candidaturas cubrindo un formulario oficial(Abre en nova xanela) dispoñible nos 6 idiomas oficiais da ONU antes do 7 de febreiro de 2018. No caso de asociacións innovadoras (incluída a sociedade civil, o sector privado e o sector académico), o candidato debe ser unha institución do sector público.

As candidaturas para o Premio deberán presentar iniciativas innovadoras que contribúan a mellorar a prestación de servizos públicos e que, ademais, inspiren iniciativas similares en todo o mundo.

Fonte orixinal da noticia(Abre en nova xanela)

  • Accesibilidade
  • Cooperación interadministrativa