España conta cuns niveis de competencias dixitais por encima da media europea (o 64% da poboación ten competencias polo menos básicas, situándose en 6º posto, por diante de países como Francia e Alemaña) e púxose como meta, ademais de que o 80% da cidadanía conte con estas competencias, que a metade delas sexan mulleres.
As maiores brechas en competencias dixitais danse en función da idade, con 58 puntos de desvantaxe entre a poboación maior fronte á máis nova. A diferenza en función da ocupación é a segunda maior brecha, de 49 puntos, entre poboación non activa e estudantes.
É importante destacar que máis da metade das persoas en situación de desemprego posúen competencias dixitais básicas ou superiores.
O monográfico incide na importancia de que todos os grupos poboacionais poidan adquirir estas competencias en igualdade de condicións, de forma que reduzan as brechas que existen á hora de afrontar os retos e oportunidades da economía dixital.
Para aumentar as competencias dixitais de toda a cidadanía e reducir considerablemente as fendas dixitais, o Plan de Competencias Dixitais incluído na estratexia España Dixital contempla un investimento de 3.593 millóns de euros para o período 2021-2024, dotación vinculada ao Plan de Recuperación, Transformación e Resiliencia.
