As entidades promotoras do Proxecto Europeo STORM CLOUDS, convocan a Conferencia Internacional STORM CLOUD co obxectivo de presentar os proxectos realizados ao amparo do programa CIP da Unión Europea e debater sobre a oportunidade da migración real a servizos públicos baseados na nube. A migración ás infraestruturas de Cloud por parte das Autoridades Públicas esixe desafíos técnicos, procesuais e metodolóxicos.
Storm Clouds ten como obxectivo profundar na exploración de como o cambio necesario das Autoridades Públicas a unha paradigma baseado na nube, no aprovisionamento de servizos, debe ser abordado, principalmente desde o punto de vista dos usuarios finais, e aproveitando as vantaxes do TIC. Na Conferencia, definiranse pautas útiles sobre como abordar o proceso para aceleralo tanto por parte das Autoridades Públicas como dos responsables políticos.
Os resultados do Proxecto de catro cidades europeas, así como as experiencias en curso noutras cidades en España permitirán contrastar un conxunto de casos de uso relevantes e de mellores prácticas.
Dirixido a:
- Responsables de administracións públicas responsables da implantación e xestión de servizos públicos baseados en tecnoloxías e en particular aos interesados en coñecer as vantaxes e barreiras do uso dos servizos en cloud, a súa migración e sustentabilidade.
- Responsables de empresas interesadas en ofrecer servizos Cloud aos seus clientes do sector público.
A Conferencia, que se desenvolverá o día 14 de decembro na Escola de Organización Industrial de Madrid, enmárcase nunha acción máis ampla que se denominou a SEMANA EUROPEA DO CLOUD, na que se desenvolverán diversas actividades que permitirán avanzar sobre o uso dos servizos CLOUD polas administracións públicas. Así, terá lugar unha reunión de traballo dos socios do Proxecto Europeo STORM CLOUDS, a Conferencia Internacional STORM CLOUDS, os “encontros Cloud4”, promovidos pola asociación EuroCloud e a celebración do Comité de Seguridade Cloud da asociación.
